نیوەڕۆی ئەمڕۆ لە كەلار پارەی موچەی پۆلیسی دارستان و ژینگەی کفری، كە بڕەكەی زیاتر لە 55 ملیۆن دینار بوو، دزرا.
پەیامنێرمان پێیڕاگەیاندین، نیوەڕۆی ئەمڕۆ پارەی موچەی كارمەندانی پۆلیسی دارستانی قەزای كفری، كە بڕی 55 ملیۆن و 200 هەزار دیناربووە، دزراوە.
وتیشی، ئەو كارمەندانەی كە پارەكەیان لە كەلارەوە هێناوە، كاتێك ویستویانە لە چێشتخانەیەك نان بخۆن، لەو كاتەدا پارەكە دزراوە.
باسی لەوەشكرد، پۆلیس بەگومانی دزینی پارەی موچەكە، كەسێكیان دەستگیركردووە.
