وەزارەتی تەندروستیی هەرێمی كوردستان ڕایگەیاند، لەماوەی 24 كاتژمێری ڕابردوودا هەزار و 598 توشبووی كۆرۆنا تۆماركراوە و 12 كەسیش بەهۆی ڤایرۆسەكەوە گیانیان لەدەستداوە.
وەزارەتی تەندروستی لە ڕاگەیەندراوێكدا ئاماری 24 كاتژمێری ڕابردووی كۆرۆنای بڵاوكردەوە، بەپێی ئامارەكەش لەو ماوەیەدا لە كۆی نۆ هەزار و 708 پشكنینی كۆرۆنا هەزار و 598 توشبووی نوێ تۆماركراون، لە بەرامبەریشدا 911 توشبوو چاكبوونەتەوە و 12 كەسی دیكەش بەهۆی ڤایرۆسەكەوە گیانیان لەدەستداوە.
بەپێی داتاكانی وەزارەتی تەندروستی لە سەرەتای بڵاوبوونەوەی ڤایرۆسەكەوە تا ئێستا 210 هەزار و 818 توشبووی كۆرۆنا لە هەرێم تۆماركراوە، لەو ڕێژەیەش 190 هەزار و 392 توشبوو چاكبوونەتەوە و چوار هەزار و 660 كەسیش بەهۆی ڤایرۆسەكەوە گیانیان لەدەستداوە.
