ئەفسانەی ئەفسانەکانی بەرازیل و جیهان، پیلێ بە شانوباڵی مارتا، ئەستێرەی کچانی پێکهاتەی بەرازیلدا هەڵدەدات و دەڵێت، “زیاتریت لە یاریزانێکی تۆپی پێ”.
دوێنێ چوارشەممە، لەیەکەم ڕوبەڕوبوونەوەی ئۆڵۆمپیادی تۆکیۆ 2020، هەڵبژاردەی بەرازیل بە ئەنجامی (5-0) بەرامبەر هەڵبژاردەی چین بردنەوەی تۆمارکرد، لەو یارییەشدا مارتا، ئەستێرەی ناوداری بەرازیل و شەش جار باشترینی جیهان دوو گۆڵی تۆمارکرد.
بە تۆمارکردنی ئەو دوو گۆڵە، ئەستێرە 35 ساڵەکەی سیلیساو بووە یەکەمین یاریزان لە مێژووی تۆپی پێدا لە پێنج خولی ئۆڵۆمپیدا گۆڵ تۆماردەکات.
لەو بارەیەوە پیلێی ئەفسانەی بەرازیل لە پێگەی تایبەتی خۆی لە تۆڕی کۆمەڵایەتی ئینستاگرام نووسیویەتی، “سڵاو مارتا، ڕەنگە ئێستا خەوتبێتی، چونکە تۆ لە جەمسەرەکەی دیکەی جیهانیت، هیوادارم خەون بەوەوە ببینیت کە بەدەستهێناوە، لەو بارەیەوە، ئەمڕۆ بوویتە پاڵپێوەنەری خەونەکانی چەندین یاریزان، دەستکەوتەکەت لە داتایەکی کەسی زیاترە، هاندەر و ئیلهامبەخشە بۆ ملیۆنان وەرزشکاری جیهان کە دەیانەوێت ڕیکۆردەکان بشکێنن”.
هەروەها نوسیویەتی، “پیرۆزباییت لێدەکەم، تۆ لە یاریزانێکی تۆپی پێ زیاتریت، بە بەهرەکەت یاریدەدەری لە بونیادنانی جیهانێکی باشتر، کە تیایدا ژنان مەودایەکی فراوانتریان دەبێت”.
