فراکسیۆنی یەکێتیی لەپەرلەمانیی کوردستان ڕایدەگەیەنێت، داوا دەکات حکومەتی هەرێم پرسی لێبڕینی موچە یەکلایی بکاتەوە و بەپێی داهاتی بەردەست کاری لەپێشینەی بکات بەدابەشکردنی موچەی فەرمانبەران بەبێ لێبڕین.
زیاد جەبار، سەرۆکی فراکسیۆنی یەکێتیی لەپەرلەمانیی کوردستان، لەکۆنگرەیەكی ڕۆژنامەوانیدا ئاماژەی بەوەكرد، “هەر لەسەرەتاوە بۆچون و سیاسەتی یەکێتی ئەوەبوو کێشەکان لەگەڵ بەغداد چارەسەر بکرێن، بەوپێیە بەغداد قوڵایی ستراتیژییە بۆ هەرێمی کوردستان و مافەکانی خەڵکی کوردستان لەپایتەختەوە گەرەنتی دەکرێن.”
باسیلەوەشكرد، دوای ڕێککەوتنی هەولێر و بەغداد بۆ ناردنی مانگانە بڕەپارەیەک بۆ هەرێم و هەروەها دوای بەرزبونەوەی نرخی نەوت بۆ نزیکەی 74 دۆلار، وەکو فراکسیۆنی یەکێتی داوا دەکەین کۆتایی بەلێبڕینی موچە بهێنرێت و حکومەت سەرجەم داهاتەکانی کۆبکاتەوە و کاری لەپێشینەی دابەشکردنی موچە بێت بەبێ لێبڕین”.
دوێنێ ئەنجومەنی وەزیرانی عێراق بڕیاریدا مانگانە 200 ملیار دینار بۆ هەرێمی کوردستان بنێرێت.
