ئەندامێکی خولی پێشووی ئەنجومەنی نوێنەران رایدەگەیەنێت، پێشبینیدەکرێت پێش جەژن، مووچەی مانگی پێنجی مووچەخۆران دابەشبکرێت.
شیروان میرزا، ئەندامی خولی پێشووی ئەنجومەنی نوێنەرانی عێراق لە لێدوانێکدا رایگەیاند، وەزارەتی دارایی عێراق مانگانە ناڕەزایی و گلەیی هەیە لەو بڕەپارەیەی حکومەتی هەرێم وەک داهاتی نانەوتی، دەیخاتە سەر هەژماری وەزارەتی دارایی عێراق.
وتیشی، “بە پێشبینیی من، بۆ پێش جەژن مووچەی مانگی پێنج دەدرێت و هەوڵدەدرێت پێش جەژن هەموو رێکارەکان تەواوبکرێت”.
دەشڵێت، ئەگەر حکومەتی هەرێمی کوردستان بابەتی داهاتی نانەوتی لەگەڵ بەغداد چارەسەرنەکات، بۆ مانگەکانی داهاتوو دەبێتە گرفتێکی گەورە.
ئەمڕۆ یەکشەممە، وەزارەتی دارایی و ئابوریی هەرێم رایگەیاند، لیستی مووچەی مانگی پێنجیان رەوانەی وەزارەتی دارایی عێراق کرا.
