بەهۆی بۆردومانی فڕۆكە جەنگییەكانی توركیا ئاگر لە چەند گوندێكی قەزای ئامێدی كەوتوونەتەوە و هێشتاش كۆنتڕۆڵ نەكراون.
پەیامنێرمان لە دهۆك پێی ڕاگەیاندین، ماوەی زیاتر لە 24 كاتژمێرە لە دەوروبەری گوندی هرورێ سەر بە ناحیەی كانی ماسێ لە قەزای ئامێدی ئاگر كەوتووەتەوە و تائێستا كۆنتڕۆڵ نەكراوە.
وتیشی، كەوتنەوەی ئاگرەكە بەهۆی بۆردومانی فڕۆكە جەنگییەكانی توركیاوە بووە.
هاوكات ئەمڕۆ لە چیاكانی هەردوو گوندی بوهێرێ و شەرامش لە ناحیەی دەركاری سەر بە قەزای زاخۆ بەهۆی بۆردومانەكانەوە ئاگركەوتوونەتەوە و زیانی زۆری بە دارستان و پوش و پاوانی ناوچەكە گەیاندووە و ئاگرەكە تائێستا بەردەوامە، وەك ئەوەی پەیامنێرمان ئاماژەی پێدا.
ئەوەشی وت، هەر ئەمڕۆ فڕۆكە جەنگییەكان چیای لینك-یان لە ناحیەی شیلادزێی سەر بە قەزای ئامێدی بۆردومانكرد.
