کاریگەرییەکانی وشکەساڵی لە چەند ناوچەیەکی هەرێم بە ئاشکرا دەرکەوتووە، قەزای چەمچەماڵ و دەورەبەری یەكێكن لە قوربانییە سەرەکییەكانی ئەو دیاردە سروشتییەیە، نوێنەری نەتەوە یەکگرتووەکان بە ڕاپۆرتێک کێشەکە دەداتە ڕێکخراوە نێودەوڵەتییەکان.
ڕەمەک ڕەمەزان، قائیمقامی قەزای چەمچەماڵ بانگەوازێکی ئاڕاستەی لایەنە پەیوەندیدارەکان و ڕێکخراوە نێودەوڵەتییەکان کردبوو، کە بە تەنگ کێشەی کەمئاوی شارەکەیانەوە بێن.
دوێنێ شاندێکی ڕێکخراوی نەتەوە یەكگرتووەكان (UN) سەردانی شاری چەمچەماڵی کردووە و ڕاپۆرتێکی ئامادەکردووە، تا بیداتە ڕێکخراوە نێودەوڵەتییەکان سەبارەت بە چارەسەرکردنی قەیرانی كەمئاوی.
بەهۆی كەمیی ئاستی گەیشتنی ئاوی پاک بە قەزاكە، چەمچەماڵ و دەوروبەری کەمتر لە ناوچەکانی دیکە ئاویان پێدەدرێت و وەک خۆیان دەڵێن، هەندێک کات 17ڕۆژ جارێک ئاو دەگاتە تەنکییەکانیان، بۆیە بە ناچاری دەبێت ئاو بکڕن و ئەوەش تێچوویەکی زۆریان لەسەر دروست دەکات.
ڕاپۆرتێکی تۆڕی میدیایی ئێستا لێرەوە ببینە.
