قوباد تاڵەبانی ئەم وێنەیەی لە ساڵڕۆژی لەدایكبوونی خاتوو هێرۆ ئیبراهیم ئەحمەد بڵاوكردووەتەوە و رایگەیاندووە، “پیرۆزە رۆژی لەدایكبوون لە دایكی خۆشەویستم، هێرۆ ئیبراهیم ئەحمەد، هێز و ئیرادەی تۆ دایە گیان هەمیشە ئیلهام بەخشبووە بۆ ئێمە”.
دەڵێت، “بۆ من، تۆ تەنها دایكێكی مەزن نیت، بەڵكو سەرچاوەیەكی بەردەوامی خۆشەویستی و ئازایەتیت”.
دەشڵێت، “سوپاس بۆ هەموو ماندووبوون و قوربانی دانت بۆ گەلەكەت، بۆ منداڵانی كوردستان، بۆ هونەر، بۆ پاراستنی كەلتوورەكەمان، تۆ نەوەیەكت دروستكردووە كە خۆشەویستییان بۆ هونەر و كەلتوور و سینەما و خزمەتكردنی كوردستان هەیە”.
لە كۆتایی پەیامەكەیدا نووسیوویەتی، “سوپاس بۆ بەشداریت لە مێژووی كوردستان و یارمەتیدان لە دروستكردنی داهاتووەكەی، پیرۆزە رۆژی لەدایكبوونت دایە گیان”.
