نێچیرڤان بارزانی سەرۆکی هەرێمی کوردستان، ئەمڕۆ چوارشەممە پەیامێکی سەبارەت بە ئاڵۆزییەکانی نێوان ئیسرائیل و فەڵەستین بڵاوکردەوە، داوادەکات هەردوولا بگەنە چارەسەرێکی ئاشتییانە بۆ ناکۆکییەکانیان.
لە پەیامێکدا، کە لە تۆڕی کۆمەڵایەتیی تویتەر بڵاویکردووەتەوە، نێچیرڤان بارزانی دەڵێت، “نیگەرانین لە زیادبوونی کردەوە توندوتیژییەکان لەنێوان ئیسرائیل و فەڵەستین لەم چەند ڕۆژەی دواییدا، کە بووەتە هۆی گیانلەدەستدانی کەسانی سڤیل، لەناویشیاندا منداڵان، هەروەها بەئامانجگرتنی شوێنە پیرۆزەکان”.
سەرۆکی هەرێمی کوردستان نوسیویەتی، “داوا لە هەردوولا دەکەین، دانبەخۆیاندا بگرن و بگەنە ڕێککەوتنێکی ئاشتییانە بۆ ڕاگرتنی پێكدادانەكانی ئێستا”.
We are very concerned about the recent violence between Israelis and Palestinians that claimed the lives of civilians, including children, and targeted holy sites. We call for restraint and a peaceful solution for the current unrest.
— Nechirvan Barzani (@IKRPresident) May 12, 2021
