وتەبێژی یەكێتیی نیشتمانیی كوردستان رایدەگەیەنێت، “یەكێتی پابەندە بەو وادەیەی بۆ ئەنجامدانی هەڵبژاردنی پەرلەمانی كوردستان دیاریكراوە.
سەعدی ئەحمەد پیرە، وتەبێژی یەكێتیی نیشتمانیی كوردستان لە دیدارێكی تەلەفزیۆنیدا رایگەیاند، ئەو وادەیەی بۆ هەڵبژاردنی پەرلەمانی كوردستان لەلایەن سەرۆكایەتیی هەرێمەوە دیاریكراوە و پێوەی پابەنددەبین و ئەو لایەنانەی گرفتیان هەیە پێویستە هەوڵبدەن خۆیان بگونجێنن و ئامادەبن بۆ هەڵبژاردن.
وتیشی، “یەكێتی سوورە لەسەر ئەنجامدانی هەڵبژاردن و هەرێمی كوردستان پێویستی بە حكومەت و پەرلەمانێكی كارا هەیە و دواخستنی لە قازانجی هەرێمی كوردستاندا نییە”.
