لە كۆبوونەوەیەكدا لەگەڵ لێپرسراوی ئاژانسی پەنابەرانی سەر بە نەتەوەیەكگرتووەكان، وەزیری پلاندانان داوای كرد، پرۆژه و به‌رنامه‌كانی نەتەوەیەكگرتووەكان فراوانتر بكرێن بەتایبەت له ده‌ره‌وه‌ى كامپه‌كان بۆ ئەوەی دانیشتووانى هه‌رێم سوودى لێوه‌ربگرن.
ئاماژە بەوەشكراوە، وه‌زیرى پلاندانان وێڕاى ده‌ستخۆشى، داواشى كردووە پرۆژه و به‌رنامه‌كانی UNHCR فراوانتر بكرێن، به‌تایبه‌ت له‌ده‌ره‌وه‌ى كامپه‌كان بۆ ئەوەی دانیشتووانى سنوورى پارێزگاكانى هه‌رێم سوودى لێوه‌ربگرن.
له‌به‌شێكى دیكەی كۆبوونه‌وه‌كەدا ڕێككه‌وتنى هه‌رێم و به‌غدادیان به ”گرنگ” ناوبردووە، بۆ ئاسایىكردنه‌وه‌ى دۆخى شه‌نگال و ناوچه‌كانى تر كه هۆكارده‌بێت بۆ دووباره گەڕاندنه‌وه‌ى ئاواره‌كان بۆ ناوچه‌كانى خۆیان و دووباره ئاوه‌دانكردنه‌وه‌ى شوێنه‌كانیان كه به‌هۆى شەڕى داعش و توندوتیژى ڕوویان له هه‌رێمى كوردستان كردووه.
وه‌زیرى پلاندانان به شاندی نەتەوەیەكگرتووەكانی ڕاگه‌یاندووە، “هه‌وڵه‌كانى حكومه‌تى هه‌رێم به‌رده‌وامن بۆ دابینكردن و پێشكه‌شكردنى خزمه‌تگوزارى له‌كامپه‌كان كه له‌سه‌ره‌تای ئالۆزییه‌كان و هاتنى په‌نابه‌ران و ئاواره‌كان له سوریا و ناوچه‌كانى ترى عێراق بۆ هه‌رێم درێغى نه‌كردووه”.
لە‌به‌رامبه‌ردا لێپرسراوى UNHCR له عێراق ستایشى هه‌وڵه‌كانى حكومه‌تى هه‌رێم و دانیشتووانى هه‌رێمى كوردستانى كردووە بۆ پاڵپشتىكردن و دابینكردنى خزمه‌تگوزارییه‌كان بۆ ئاواره و په‌نابه‌ران له خاكى هه‌رێمى كوردستان.
