“هازارد لە بەرشلۆنە دەبووە باشترینی جیهان”

لێپرسراوی پێشووی کارەکانی ئیدین هازارد دووپاتیدەکاتەوە، یاریزانەکە بە پەیوەندیکردنی بە یانەی ڕیاڵ مەدریدەوە هەڵەیەکی گەورەیکردووە.

لێپرسراوی پێشووی کارەکانی هازارد، جۆن بیکۆ لەچاوپێکەوتنێکدا بە ڕۆژنامەی ” Dernière Heure”ی بەلجیکی ڕاگەیاندووە، ” هازارد هەڵەیکرد لەو کاتەدا پەیوەندی بە ڕیاڵ مەدریدەوە کرد، یاریکردن بۆ ڕیاڵ بڕیاری دڵ بوو، وەرزی ڕابردوو ئامۆژگاریم کرد ئەو هەنگاوە نەنێت”.

بیکۆ لەبارەی بۆچوونەکانیەوە ڕوونکردنەوە دەدات و دەڵێت، ” خەڵکی ئەوە لەبیردەکەن کە یانەیەکی گەورەی وەک ڕیاڵ پێویستی بە توانستی جەستەیی زیاتر و خێرایی و بەهێزییە، تەنانەت بەهرەی ناوازەی وەک جەیمس ڕۆدریگێز نەیانتوانیوە لە یانەکە خۆیان بگونجێنن”.

کەسایەتیەکە دەربارەی باشترین بژاردە بۆ هازارد، دەڵێت، ” بەرشلۆنە بۆ هازارد دەبووە باشترین یانە، ئەوەش لەبەر چەند هۆکارێک، لە یانە کەتەلۆنیەکە بەردەوام تۆپ لەنێو پێیەکانیدا دەبوو، لەگەڵ ئەواندا تۆپ خێراترە و لەناو یاریگا سەربەستی زیاتری پێدەدرا، بەم چەشنەش دەبووە باشترینی جیهان”.

بیکۆ لە سەرەتاکانی ژیانی وەرزشیی هازاردەوە لەگەڵیدا بەردەوامبووە و لە ساڵی 2013 جیابوونەوەیان ڕاگەیاندووە.