بەڕێوبەرایەتی پۆلیسی ڕاپەڕین ڕایگەیاند، دوا نیوەڕۆی ئەمڕۆ ژنێک بە سوتاوی گەیەنراوەتە نەخۆشخانە کە بە وتەی خۆی بەهۆی زۆپاوە سوتاوە.
لە ڕاگەیەندراوێکدا کە وێنەیەکی دەست تۆڕی میدیایی ئێستا کەوتووە تێیدا هاتووە، ” کاتژمێر2 ی دوای نیوەڕۆی ئەمڕۆ 4 ی نیسان، دوای ئەوەی هێزەکانمان لە بنکەی پۆلیسی شکارتە ئاگادار کرانەوە بە بوونی ڕووداوێکی سوتان لە گوندی مێرگەسەر سەربە ناحیەی بێتواتە/ قەزای ڕانیە، دەرکەوت ژنێک بەناوی (د،ر،ح) لە دایکبووی ساڵی 1998 پیشەی ژنی ماڵە و دانیشتوی گوندی مێرگەسەر سەربە ناحیەی بێتواتە/ قەزای ڕانیە بەهۆی گڕ گرتنی زۆپای نەوت سوتاوە”.
لە ڕاگەیەندراوەکەدا هاتووە، ” دوای چارەسەری سەرەتایی بەڕێکرا بۆ نەخۆشخانەی گشتی ڕانیە، و بە وتەتی ژنەکە خۆی دەڵێت لە کاتی تێکردنی نەوت لە زۆپا دەستبەجێ زۆپاکە گڕی گرتووە و بەو هۆیەوە سووتاوە”.
بەگوێرەی ڕاپۆرتی پزیشکی ڕێژەی سووتاوی ژنەکە لە 50 ٪ بووە و بەهۆی سەختی برینەکەیەوە، بۆ نەخۆشخانەی فریاکەوتنی سلێمانی بەڕێکراوە.
