وەزارەتی تەندروستیی هەرێمی کوردستان ڕایگەیاند، لەماوەی 24 کاتژمێری ڕابردوودا 773 کەسی دیکە لە هەرێمی کوردستان توشی ڤایرۆسی کۆرۆنا بوون و لەو ژمارەیەش 304 کەسیان لە دهۆک بووە.
بەپێی ئامارەکەی وەزارەتی تەندروستیی هەرێم لە پارێزگای هەولێر 218 کەس توشی ڤایرۆسی کۆرۆنا بوون و 211 کەسیش لە سلێمانی ئەنجامی پشکنینەکەیان پۆزەتیڤ بووە.
هاوکات شەش کەس لە هەڵەبجە و 24 کەس لە گەرمیان و 10 کەس لە ئیدارەی ڕاپەڕین توشی ڤایرۆسی کۆرۆنا بوون.
لە ماوەی 24 کاتژمێری ڕابردوودا 8 کەس لە هەرێمی کوردستان بە ڤایرۆسی کۆرۆنا گیانیان لە دەستداوە و بەرزترین ڕێژە لە هەولێر بووە بە چوار کەس و لە سلێمانی و دهۆک دوو کەس بە هۆکاری ڤایرۆسەکە گیانیان لە دەستداوە.
