كەشناسیی هەرێم ڕەوشی كەشوهەوای هەرێمی بۆ دوو ڕۆژ بڵاوكردەوە، سبەی هەورە تریشقە هەیە و بارانبارین بەردەوام دەبێت.
لە ڕاگەیەندراوێكدا بەڕێوبەرایەتیی گشتیی كەشناسی و بومەلەرزەزانیی هەرێم ئاشكرایكردووە، پێشبینی دەكات دوانیوەڕۆی ئەمڕۆ سێشەممە 23ی ئازار، بارانبارین زیاد بكات و زۆربەی شارەكانی هەرێم هەوری تەواو دەبێت.
سەبارەت بە ڕەوشی كەشوهەوای سبەی چوارشەممە، كەشناسیی هەرێم پێشبینی كردووە، سبەی ئاسمانی شارەكانی هەرێم هەوری تەواو دەبێت و بارانبارین زیاد دەكات و هەورە تریشقەش دەبێت.
