پۆلیسی سلێمانی دوو تۆمەتباریان دەستگیرکرد کە پێشتر لەلایەن هاوڵاتییانەوە سکاڵایان لەسەر تۆمارکرابوو بە تۆمەتی دزیکردن.
لە راگەیەندراوی پۆلیسی سلێمانیدا ئاماژە بەوەکراوە، چەند هاوڵاتییەک سکاڵایان تۆمارکردووە کە لەناو بازاڕی سلێمانی دزییان لێکراوە، بۆیە لێکۆڵینەوەیان دەستپێکردووە و لەلایەن لیژنەکانی نەهێشتنی تاوانی ناوبازاڕەوە دوو تۆمەتبار دەستگیرکراون.
ئاماژە بەوەشکراوە، لە ئێستادا هەریەك لە تۆمەتباران، ( ف، ك، ح) لەدایكبووی 1973 و (ن، أ، ش) لەدایكبووی 2003 دانیشتووی شاری كەركوك بەپێی ماددەی 446 لە یاسای سزادانی عێراقی راگیراون و چەند سكاڵایەكی یاساییان لەسەر تۆماركراوە.
