وتەبێژی قوباد تاڵەبانی ڕایگەیاند، ھەفتەی داھاتوو پێش ئەنجامدانی دانیشتنی پەرلەمانی عێراق، شاندی حكومەتی ھەرێم دەگەڕێتەوە بەغداد و درێژە بە ھەوڵەكانی دەدات بۆ تێپەڕاندی ئەو دەقەی رێككەوتنی لەسەر كراوە.
سەمیر هەورامی، وتەبێژی قوباد تاڵەبانی لە لێدوانێكی تایبەتدا بە تۆڕی میدیایی ئێستای وت، “شاندی حكومەتی ھەرێم دوێنی ڕێككەوتنی لەگەڵ لایەنە پەیوەندیدارەكان ئەنجامدا و دواتر ئەو ڕێككەوتنە لە لیژنەی دارایی پەسەند كرا و ئێستاش چاوەڕێین ئەو دەقە لەگەڵ کۆی یاساکە لەلایەن ئەنجومەنی نوێنەران لە دانیشتنی ھەفتەی داھاتوو پەسەند بكرێت”.
ئەوەشی ڕاگەیاند، “ھەفتەی داھاتوو پێش ئەنجامدانی كۆبوونەوەكە شاندی حكومەتی ھەرێم دەگەڕێتەوە بەغداد و درێژە بە ھەوڵەكانی دەدات بۆ تێپەڕاندی ئەو دەقەی ڕێككەوتنی لەسەر كراوە لەلایەن ئەنجومەنی نوێنەرانی عێراق”.
