دەستەی دەستپاکی فیدراڵی عێراق واژۆکردنی یاداشتێکی لێکتێگەیشتنی نێوان عێراق و لوبنان لە بوارەکانی رێگریکردن و بەرەنگاربوونەوەی گەندەڵی و گەڕاندنەوەی پارەی قاچاخی راگەیاند.
ئەمڕۆ چوارشەممە دەستەی دەستپاکی عێراق بڵاویکردەوە، حەیدەر حەنون سەرۆکی دەستەکە لەگەڵ دەستەی دەستپاکی نیشتیمانیی رووبەڕووبوونەوەی گەندەڵی لوبنان کۆبووەتەوە و جەختی لەسەر پێویستی پتەوکردنی پەیوەندییە دووقۆڵییەکانی نێوان هەردوو وڵات کردووەتەوە.
یاداشتنامەیەک واژووکراوە لە هاوکاری و هەماهەنگی لە رووبەڕووبوونەوەی گەندەڵی و هاوکاری لە بواری گەڕاندنەوەی پارەی قاچاخ و رادەستکردنەوەی سزادراوان، لەخۆدەگرێت.
