فەرماندەی هێزەکانی سوریای دیموکرات “هەسەدە” لە سێهەمین ساڵیادی داگیرکردنی عەفریندا ڕایگەیاند، “ئەوەی لە عەفرین بینرا شکستی بەهای مرۆڤایەتی و یاسا نێودەوڵەتییەکان بوو”.
مەزڵوم عەبدی، فەرماندەی هێزەکانی هەسەدە، ئەمڕۆ 18 ی ئازار ڕایگەیاند، “بێدەنگی لەبارەی پاراستنی دانیشتوانی عەفرین و ئەو تاوانە جەنگییانەی لەلایەن هێزە داگیرکارەکانەوە لەو شوێنە ڕودەدات پێچەوانەی ئەو یاسا نێودەوڵەتیانەیە کە نەتەوە یەکگرتووەکان باوەڕی پێی هەیە”.
فەرماندەی هێزەکانی سوریای دیموکرات، ڕاشیگەیاندووە، “کۆتایی ئەم تاوانە تەنها دوای ئەوە دێت کە خەڵکی عەفرین بگەڕێنەوە و کۆتایی بەو دۆخە سەربازییە لەو ناوچەیە بێت”.
ئەمڕۆ 18 ی ئازار سێ ساڵ تێدەپەڕێت بەسەر داگیرکردنی عەفریندا و ڕۆژی 18ی ئازار دوو ڕۆژ پێش نەورۆز پەیکەری کاوەی ئاسنگەر لە ناوەڕاستی عەفرین ڕوخێندرا.
عفرين عنوان فشل المجتمع الدولي في الحفاظ على القيم الانسانية والقانون الدولي.
التجاهل المستمر لحماية سكان عفرين من الاحتلال وجرائم الحرب يرتكبها المحتل يتناقض مع كل القوانين الدولية وبإعتراف الامم المتحدة.وضع حد لتلك الجرائم ممكن بعد إعادة المدينة الى وضعها المدني قبل الاحتلال.
— Mazloum Abdî مظلوم عبدي (@MazloumAbdi) March 18, 2021
