دانیشتووانی کۆریای باکوور بۆ ماوەی 11 ڕۆژ پێکەنینیان لێقەدەغە کرا، بەهۆی یادی 10 ساڵەی مردنی سەرۆکی پێشووی وڵاتەکە.
سەرچاوە ناوخۆییەکانی کۆریای باکوور باسیان لەوەکردووە، لە ئەمڕۆ 17ی کانونی یەکەمەوە تاوەکو 10 ڕۆژی دیکە هەموو دەرکەوتنێکی خۆشیئامێز و پێکەنین قەدەغەیە.
ئاماژە بەوەشکراوە، لەو ماوەیەی دیاریکراوە، هەموو جۆرە بەشداریکردنێک لە کۆبوونەوەی خۆشیئامێز و پێکەنین و خواردنەوە کحولییەکان قەدەغەیە.
بەپێی بڕیارەکە، ئەگەر لەوماوەیەدا ئەندامێکی خێزانێکی هاوڵاتییانی کۆریای باکوور گیانلەدەستبدات، نابێت بە دەنگی بەرز بۆی بگرین، ڕێەپێدراویش نین تەرمەکەی بەخاکبسپێردرێت تاوەکو ماوەی دیاریکراو کۆتاییدێت.
هەروەها پۆلیسی وڵاتەکە و هێزە سەربازییەکان بەدوای هەرکەسێکدا دەگەڕێن کە بەشێوەیەکی گونجاو ماتەم و خەمباری پیشان نەدات.
