وەزارەتی دەرەوەی ئەمریكا ڕایگەیاندووە، هەوڵەكانی توركیا بۆ قەدەغەكردنی هەدەپە، دیموكراتی لەو وڵاتە دەخاتە مەترسییەوە.
لە ڕاگەیەندراوێكدا، وەزارەتی دەرەوەی ئەمریكا لەبارەی هەوڵەكانی قەدەغەكردن و داخستنی هەدەپەوە لە توركیا ڕەخنەی گرتووە و ڕایگەیاندووە، “دیموكراتی لەو وڵاتە لەناو دەبات”.
وەزارەتی دەرەوەی ئەمریكا داواشی كردووە، دوورخستنەوەی عومەر فاروق جەرجلی ئۆغلو، پەرلەمانتارەكەی هەدەپە و لێسەندنەوەی متمانە لێی “بڕیارێكی هەڵەیە و دەبێت ڕێكبكرێتەوە”.
ئەو ڕاگەیەندراوەی ئەمریكا پاش ئەوە دێت، داواكاری گشتیی توركیا هەوڵەكانی بۆ داخستنی هەدەپە دەستپێكردووە و پەرلەمانی ئەو وڵاتەش بە بیانووی پاڵپشتیكردن لە “تیرۆر” متمانەی لەو ئەندامەی هەدەپە سەندەوە.
