وەزیری بەرگریی پاکستان رایگەیاند، وڵاتەکەی چیتر ئارام ناگرێت و ئێستا خۆی لە جەنگێکی کراوەدا دەبینێتەوە بەرانبەر بە ئەفغانستان.
خەواجە محەمەد ئاسف، وەزیری بەرگریی پاکستان لە تۆڕی کۆمەڵایەتیی ئێکس ئاماژەی بەوەکردووە، پاکستان هیوای دەخواست دوای کشانەوەی هێزەکانی ناتۆ، ئاشتی لە ئەفغانستان بەدیبێت، بەڵام تـ.ـاڵـ.ـیبان چەکداری لە هەموو جیهانەوە لە ئەفغانستان کۆکردووەتەوە و دەستیکردووە بە بڵاوکردنەوەی تێرۆر.
نووسیویشیەتی، “ئارامیمان نەماوە، ئێستا لە نێوانماندا جەنگێکی کراوە دەستیپێکردووە”.
درەنگانی شەوی رابردوو، فڕۆکە جەنگییەکانی پاکستان هێرشیانکردە سەر کابولی پایتەختی ئەفغانستان و شاری قەندەهار لە باشووری رۆژهەڵاتی وڵاتەکە؛ پاکستان هێرشەکانی بە وەڵامدانەوەیەک بۆ ئەفغانستان ناوبردووە.
