ئاژانسی هەواڵگریی عێراق ئاشكرایكرد، بەرپرسی دەزگای هەواڵگریی داعش و یاریدەدەرەكەیان لە بەغداد دەسگیركردووە.
پۆلیسی نەینەوا دەستگیركردنی هەشت ئەندامی داعش-ی ڕاگەیاند
لە ڕاگەیەندراوێكدا ئەمڕۆ یەكشەممە 4ی تشرینی یەكەم ئاژانسی هەواڵگریی عێراق ڕایگەیاندووە، “مەفرەزەكانی ئاژانسی هەواڵگری كە نوێنەری بەڕێوبەرایەتیی هەواڵگریی بەغداد و وەزارەتی ناوخۆیان تێدابووە، توانیویانە سەركردەیەكی داعش دەستگیر بكەن كە وەك بەرپرسی دەزگای هەواڵگریی داعش لە ویلایەتی فەلوجە خۆی ناساندووە”.
لە ڕاگەیەندراوەكە ئەوەشی خراوەتەڕوو، “هەروەها برایەكی ئەو سەركردەیەی داعش دەستگیركراوە كە وەك یاریدەدەری بووە”.
ئاژانسە عێراقییەكە ئەوەشی ئاشكراكردووە، “لە لێكۆڵینەوە سەرەتاییەكاندا تۆمەتبارەكان دانیان ناوە بەوەی كە سەر بە گروپە تاوانكارییەكان بوون و بەشداربوون لە زۆر كردەوەی تیرۆریستی دژ بە هێزە ئەمنییەكان و هاوڵاتییان”.
ئەوەش لەكاتێكدایە دوێنێ شەممە 3ی تشرینی یەكەم، لە ڕاگەیەندراوێكدا پۆلیسی نەینەوا ئاشكرایكرد، هەشت ئەندامی داعشیان لە چەند جێگایەكی جیاوازی شاری موسڵ دەستگیركردووە.
