وەزیری سامانە سروشتییەکانی حکومەتی هەرێم رایدەگەیەنێت، وەزارەتی نەوتی عێراق، دژی رێککەوتنەکانی هەرێمە لەگەڵ کۆمپانیا ئەمریکییەکان.
کەمال محەمەد، وەزیری سامانە سروشتییەکانی حکومەتی هەرێم لە پانێڵی وزە لە واشنتن، رایگەیاند، چەند رێککەوتنێکمان لەبارەی نەوت و گاز لەگەڵ کۆمپانیا ئەمریکییەکان کردووە و گرێبەستەکانمان دژی هیچ کەس و لایەنێک نین.
وتیشی، “لەڕێی رێککەوتنەکانمانەوە، ژێرخانی وزەی هەرێمی کوردستان بەهێزتردەکەین”.
هەر لە پانێڵەکەدا، کەمال محەمەد ئاماژەی بۆ ئەوەکرد، “کۆمپانیا ئەمریکییەکان %60ـی کارەبای هەرێم دابیندەکەن و داوایان لێدەکەین، وەبەرهێنان لە هەرێمی کوردستاندا بکەن”.
