ئەمڕۆ 4ی ئازار، ڕۆژی جیهانیی ڕوبەڕوبوونەوەی قەڵەوییە و لە ساڵی 2015ەوە ئەو ڕۆژە دیاریكراوە، بەگوێرەی ئامارێكی ڕێكخراوی تەندروستیی جیهانی، ساڵانە نزیكەی 3 ملیۆن كەس بە هۆكاری قەڵەوی گیان لەدەست دەدەن.
ئامارەكان دەریدەخەن، ساڵانە قەڵەوی لە جیهاندا لە زیادبووندایە و بووەتە كێشەیەكی تەندروستی.
ڕێكخراوی تەندروستیی جیهانی ئاماژەی بەوەكردووە، ساڵانە 2 ملیۆن و 800 هەزار مرۆڤ بەهۆی قەڵەوییەوە گیان لەدەستدەدەن.
شارەزایانی تەندروستی ئاماژە بۆ ئەوە دەكەن، قەڵەوی كاریگەریی خراپی لەسەر جگەر و پەنگریاس و دڵ و جومگەكانی مرۆڤ هەیە، كێشە بۆ هاوسەنگی هۆرمۆنەكانیش دروستدەكات.
ئامارەكانی تەندروستیی جیهانی ئاماژەن بۆ ئەوەی، ژنان زیاتر دووچاری قەڵەوی دەبنەوە، هۆشداری ئەوەش دراوە كە تا ساڵی 2025 ژمارەی ئەو كەسانەی كێشیان زیادە و قەڵەون دەگاتە 2 ملیار و 700 ملیۆن كەس، لەكاتێكدا لە ساڵی 2016دا كەمتر لە 2 ملیار كەس بووە.
بۆ ڕوبەڕوبوونەوەی قەڵەوی، چەندین سیستمی خۆراكی و وەرزشی پەیڕەو دەكرێت.
