ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 24ی خولی پلە یەکی ئیتاڵیا، یانەی ئینتەرمیلان بردنەوەیەکی گرنگی بەرانبەر جێنەوا تۆمارکرد.
ئینتەرمیلان لە یاریگای جوسێپی میاتزا میوانداری جێنەوای کرد و یاری نێوانیان بە ئەنجامی سێ گۆڵی بێوەڵام لە بەرژەوەندی کوڕانی کۆنتی کۆتاییهات.
گۆڵەکانی نێراتزۆری لە خولەکەکانی یەکی تایمی یەکەم و 69 و 77 لەلایەن ڕۆمێلو لوکاکۆ و ماتیۆ دارمیان و ئەلێکسیز سانچێزەوە تۆمارکران.
بەپێی ئەنجامە تۆمارکراوەکە، ئینتەر ژمارەی خاڵەکانی لە کۆی 24 یاری وەرزی 2020/2021 گەیاندە 56 و لە لوتکەی ڕیزبەندی یانەکانی کالچیۆ بە جیاوازی حەوت خاڵ پێش ئەی سی میلانی ڕکابەری کەوت، لە بەرامبەردا یانەی جێنەوا بە 26 خاڵەوە لە پلەی 13ی ڕیزبەندیدا جێگیربوون.
https://streamable.com/z3i960
ئینتەرمیلان لەم وەرزەدا 17 بردنەوە و پێنج یەکسانبوون و دوو دۆڕاندنی تۆمارکردووە، لە تۆماری گۆڵیشدا 60 گۆڵیان تۆمارکردووە و 24 گۆڵیان لەسەر تۆمارکراوە.
لەسەر ئاستی گۆڵکارانی کالچیۆ، بە تۆمارکردنی گۆڵێکی دیکە لوکاکۆ ڕێژەی گۆڵەکانی بۆ (18) گۆڵ زیادکرد،
