ئەمشەو، سێشەممە لە چوارچێوەی ڕوبەڕوبوونەوەکانی چوونی قۆناغی 16ی چامپیۆنزلیگ، یانەکانی پاریس سان جێرمان و لیڤەرپوڵ بردنەوەیان بەرامبەر بەرشلۆنە و لایپزیک تۆمارکرد.
لە ڕوبەڕوبوونەوەیەکی گرنگدا یانەی پاریس سان جێرمانی فەرەنسی لە یاریگای کامپ نو بووە میوانی بارسا و بە ئەنجامی چوار گۆڵ بەرانبەر گۆڵێک یانەی خانەخوێیان کوتا بەزەویدا.
گۆڵەکەی بارسا لە خولەکی 27 بە لێدانی سزا لەلایەن لیۆ مێسی، گۆڵەکانی پاریس لە خولەکەکانی 32 و 65 و 70 و 86 لەلایەن کیلیان مباپێ (هاتریک) و مۆیس کینەوە تۆمارکران.
https://streamable.com/um4uhp
لە ڕوبەڕوبوونەوەیەکی دیکەدا یانەی لیڤەرپوڵی ئینگلیزی بە ئەنجامی دوو گۆڵی بێوەڵام سەرکەوتنی بەرانبەر لایپزیکی ئەڵمانی تۆمارکرد.
گۆڵەکانی ڕێدز لە خولەکەکانی 53 و 58 لەلایەن محەمەد سەڵاحی میسڕی و سادیۆ مانێی سەنیگالیەوە تۆمارکران.
https://streamable.com/47mkxd
بەپێی ئەنجامە تۆمارکراوەکان، یانەکانی بەرشلۆنە و لایپزیک پێویستیان بە تۆمارکردنی دوو تاوەکو چوار گۆڵ دەبێت بۆ هاوتاکردنەوەی ئەنجامەکە، کە ئەوەش لە دەرەوەی یاریگای خۆیاندا نزیکی مەحاڵە.
