شانەی ڕاگەیاندنی ئەمنیی عێراقی ڕایگەیاندووە، فڕۆكە جەنگییەكانی عێراق چەند بنكە و بارەگایەكی “داعش”یان لە چیای حەمرین بۆردوومان كردووە.
لە ڕاگەیەندراوێكدا ئەمڕۆ پێنجشەممە 11ی شوبات، شانەی ڕاگەیاندنی ئەمنیی عێراق ئاشكرایكردووە، “فڕۆكە ئێف-16ەكانی عێراق، چەند مۆڵگە و تونێلێكی داعشیان لە زنجیرە چیاكانی حەمرین بۆردوومان كردووە”.
شانە عێراقییەكە ئەوەشی ڕاگەیاندووە، “ئەو شوێنانە لەلایەن چەكدارانی داعشەوە بەكارهێندراون”.
ئەوەشی خستوەتەڕوو، “فڕۆكەكان بە تەواوی ئامانجەكانیان پێكاوە و سەرجەم ئەو شوێنانەیان لەناوبردووە”.
