سوپای پاسدارانی ئێران، ژمارەیەك موشەكی بالیستی لە تارانی پایتەختی ئەو وڵاتە نمایشكرد.
ئەمرۆ چوارشەممە 10ی شوبات، سوپای پاسدارانی ئێران لە “یادی 42 ساڵەی سەركەوتنی شۆڕشی ئێرانی”دا سێ جۆر موشەكی بالیستی لە تارانی پایتەختی ئێران نمایشكرد.
ئاژانسی فارس-ی ئێرانی ئاشكرایكردووە، “هێزی ئاسمانی سەربە سوپای پاسداران، موشەكەكانی (ذوالفقار بصير، دزفول و قيام)ی نمایشكرد”.
ئاژانسەكە ئەوەشی ئاشكراكردووە، موشەكی “ذوالفقار بصیر” نوێترین جۆری موشەكی زولفیقارە، كە دەگاتە دووری 700 كیلۆمەتر و چەند تایبەتمەندییەكی تێدایە و “دەتوانێت كەشتیی دوژمن لە دەریادا تێكبشكێنێت”.
هەروەها ئەوەش خراوەتەڕوو، موشەكی “دزفول” جۆرێكی تایبەتی زولفیقارە و تا دووری هەزار كیلۆمەتر دەڕوات، موشەكی “قيام”یش تا دووری 800 كیلمەتر دەڕوات و كڵاوەی جەنگی پێوەیە، ئەو جۆرەیە كە “بنكەی سەربازیی عەین ئەسەدی پێكاوە لە عێراق”.
الحرس الثوري يعرض صواريخ باليستية بذكرى انتصار الثورة + صو ر https://t.co/2eNrLADU2m pic.twitter.com/EwPUms136N
— وكالة أنباء فارس (@arabicfarsnews) February 10, 2021
