یانەی مانچستەر سیتی ئینگلیزی لە گواستنەوەکانی هاوینی 2021 بەهێزەوە دەگەڕێتەوە و گرانبەهاترین گرێبەست واژوودەکات.
ڕۆژنامەی دەیلی مەیڵی بەریتانی ئاشکرایکردووە، سێرجیۆ کون ئەگوێرۆی ئەرجەنتینی دوای 10 ساڵ یاریکردن لە شاری مانچستەر، لە ئێستادا هیچ ئامانجێکی نەماوە و بڕیاریداوە لە کۆتایی وەرزدا ماڵئاواییبکات.
وەک شوێنگرەوە، ئیدارەی سیتیزن پلانیان داڕشتووە هێرشبەرێکی بەتوانا بۆ پێگەکەی دابینبکەن، ئەو دوو یاریزانەش لە لیستی خواستەکاندا دیاریکراون، ڕۆمێلو لوکاکۆی بەلجیکی هێرشبەری ئینتەرمیلان و ئێرلینگ هالاندی نەرویجی هێرشبەری یانەی بوروسیا دۆرتمۆندن.
بەپێی سەرچاوەکە، بەڕێوبەرایەتی سیتی بڕی 100 ملیۆن یورۆی بۆ واژووکردنی گرێبەستەکە تەرخانکردووە، هەوڵی یەکەم و سەرەتاشیان بۆ لوکاکۆ دەبێت، کە لەم وەرزەدا لە کۆی 27 یاری لە سەرجەم خول و پاڵەوانێتیەکان 20 گۆڵی تۆمارکردووە و سێ گۆڵی ڕەخساندووە.
لە بەرانبەردا هالاند لەکۆی 22 یاری 22 گۆڵی تۆمارکردووە و شەش گۆڵی ڕەخساندووە، هەردوو هێرشبەرەکە نرخیان بەرزە و سەرچاوەکە بە دوو هەواڵی جیاواز ئاماژەی پێکردوون.
