ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 21ی خولی پلە یەکی ئیتاڵیا، یانەی ئەی سی میلان بردنەوەی بەرانبەر کرۆتۆنی تۆمارکرد.
میلان لە سان سیرۆ میوانداری یانەی کرۆتۆنی کرد و یاری نێوانیان بە ئەنجامی چوار گۆڵی بێوەڵام لە بەرژەوەندی زڵاتان و هاوڕێیانی کۆتاییهات.
گۆڵەکان لە خولەکەکانی 30 و 64 و 69 و 70 لەلایەن زڵاتان ئیبراهیمۆڤیچ (دوو گۆڵ)، ئانتی ڕیبیچ (دوو گۆڵ) تۆمارکران.
بەپێی ئەنجامە تۆمارکراوەکە، میلان ژمارەی خاڵەکانی گەیاندە 49 و لە پلەی دووەمی ڕیزبەندی یانەکانی خولی ئیتاڵیاوە گەڕایەوە لوتکە و پێش ئینتەرمیلان کەوتەوە.
https://streamable.com/7cpmkg
لەسەر ئاستی گۆڵکارانی خولەکەش، زڵاتانی ئەستێرەی ناودار ژمارەی گۆڵە تۆمارکراوەکانی ئەم وەرزەی گەیاندە 13 و بە جیاوازی سێ گۆڵ لە کریستیانۆی پۆرتوگالی نزیکبووەوە.
