سەرۆكوەزیرانی عێراق بڕیاریدا بە پێكهێنانی تیمێكی سەربازی و ئەمنی، بە مەبەستی ڕێگریكردن لە “بە قاچاخبردنی بەروبوومە كشتوكاڵییەكان”.
مستەفا كازمی، سەرۆكوەزیرانی عێراق ئەمڕۆ یەكشەممە 7ی شوبات لەكاتی چاوپێكەوتنی لەگەڵ ژمارەیەك جوتیاری پارێزگای بەسڕە ڕایگەیاند، لایەنە تایبەتەكانی ڕاسپاردووە بە دروستكردنی تیمێك بە سەرۆكایەتیی دەزگای ئاسایشی نیشتمانی و بەڕێوبەرایەتیی ڕوبەڕوبوونەوەی تاوانی ئابوری بۆ ڕێگریكردن لە بە قاچاخبردنی بەروبوومە كشتوكاڵییەكان.
ئەو تیمەش ڕاسپێردراون بۆ پكشنینی سەنتەرەكانی بازاڕكاری و ڕێگریكردن لە كاڵای قاچاخ، كازمی داواشی كردووە، “ئەوانەی كاری قاچاخ دەكەن و تێوەگلاون بەو پرسە بدرێنە دادگا”.
سەرۆكوەزیرانی عێراق هۆكاری گرتنەبەری ئەو ڕێكارانەی گەڕاندووەتەوە بۆ، پارێزگاریكردن لە بەرهەمی ناوخۆیی و پاڵپشتیكردن لێی.
