وەزارەتی کارەبای هەرێم ڕایدەگەیەنێت، بارودۆخی کارەبا ئاسایی بووەوە.
وەزارەتی کارەبای حکومەتی هەرێمی کوردستان لە ڕاگەیەندراوێکدا بڵاویکردەوە، دوای ئەوەی دوێنێ شەو ئاگر لەناو وێستگەی کەورگۆسک له هەولێر کەوتەوە و بەهۆیەوە محاویلەی سەرەکی سووتا و بووە هۆی بچڕانی کارەبا له نێوان (هەولێر و دهۆک) و لە کارکەوتنی چەند یەکەیەک لە وێستگەکانی بەرهەمهێنانی کارەبا؛ تیمەکانی چاکسازیی وێستگەکان بە هەماهەنگی لەگەڵ کۆنترۆڵی کارەبای هەرێم، بارودۆخەکەیان ئاسایی کردەوە.
ڕاشیگەیاند، لەئێستادا کار بۆ چاککردنەوەی محاویلەکە دەکەن، تا ئەو کاتەش فیدەرەکانی سەر محاویلەکە دەخرێنە سەر محاویلەیەکی دیکە.
