دوو مێردمنداڵ كە تۆمەتبارن بە دزینی وایەری خانوویەكی تەواونەكراو لە كەلار، لەلایەن پۆلیسەوە دەستگیركران.
پۆلیسی گەرمیان لە ڕاگەیەندراوێكدا ئاشكرایكرد، “دوای سکاڵای هاوڵاتییەک و ئاگادارکردنەوەمان کە لەنێو خانووەکەی لە گەڕەکی کەلاری کۆن کە هێشتا قاتی سەرەوەی تەواونەبووە و هەیکەلە، وایەری کارەبایی نێو ژوورەکانی لێکراوەتەوە و دزراوە”، تۆمەتباران دەستگیركران.
عەلی جەمال قەدووری بەرپرسی ڕاگەیاندنی پۆلیسی گەرمیان ڕایگەیاند، “دوای لێکۆڵینەوە، بەشی پۆلیسی نەهێشتنی تاوانی گەرمیان دوو مێردمنداڵی دەستگیرکرد و دانیان بە تاوانەکەدا ناوە کە وایەری کارەبایی ژوورەکانیان کردووەتەوە و سووتاندوویانن، پاشان بە نرخی مس فرۆشتویانن”.
وتیشی، “دوو تۆمەتبارەكە بە بڕیاری دادوەر و بەپێی مادەی 446 بەندکراون”.
