پۆلیسی سلێمانی، ڕایگەیاند، لە دوو چالاکیی جیادا، چوار تۆمەتبار لەکاتی دزیکردن دەستگیرکران.
بەڕێوەبەرایەتیی پۆلیسی پارێزگای سلێمانی، ڕایگەیاند، مەفرەزەکانی بنکەی پۆلیسی عەربەت لە دوو چالاکیی جیادا و لەکاتی ئەنجامدانی دزی چوار تۆمەتباریان دەستگیرکرد.
دەشڵێت، لە چالاکییەکدا دوو تۆمەتباری ژن دەستگیرکران کە چووبوونە سەر ماڵێک و پارەیان بردبوو، لە چالاکییەکی دیکەدا و لەسەر ڕێگەی نێوان عەربەت و کۆمەڵگای باریکە توانرا دوو تۆمەتباری بە ناسنامە عەرەب دەستگیربکەن کە تۆمەتباران ویستبویان تانکەرێک بدزن.
ئاماژە بەوەشدەکات، ئێستا تۆمەتباران بە بڕیاری دادوەر و بەپێی ماددەی443 و 446 لە یاسای سزادانی عێراقی ڕاگیراون.
