پۆلیسی دارستان و ژینگەی سلێمانی ڕایدەگەیەنێت، ئاگرێکی بەرفراوان لە سنووری گوندی (گردخەبەر) لە ناحیەی ئاغجەلەر کەوتەوە و 300 دۆنم پوش و پاوان سووتا.
بەڕێوەبەرایەتیی پۆلیسی دارستان و ژینگەی پارێزگای سلێمانی لە ڕاگەیەندراوێکدا بڵاویکردەوە، ئاگرێکی بەرفراوان لە سنووری گوندی (گردخەبەر) لە ناحیەی ئاغجەلەر کەوتەوە، دەستبەجێ مەفرەزەکانی بنکەی پۆلیسی دارستانی ئاغجەلەر گەیشتنە شوێنی ڕووداوەکە و توانییان بە هاوکاریی بنکەی ئاگرکوژێنەوەی ئاغجەلەر و هاوڵاتییانی سنوورەکە، ئاگرەکە کۆنترۆڵ بکەن.
ڕاشیگەیاند، ئاگرەکە بووە هۆی سووتانی 300 دۆنم لە پوش و پاوان و هۆکاری کەوتنەوەشی نادیارە.
