سەرچاوەیەک لە وەزارەتی دارایی عێراق ڕایدەگەیەنێت، ئەم هەفتەیە وەزارەت مووچەی مانگی شەشی مووچەخۆرانی هەرێمی کوردستان دەنێرێت و 120 ملیار دیناری داهاتی نانەوتیی لێ دەبڕێت.
ئەو سەرچاوەیە ئاماژەی بەوەکرد، بڕیاردراوە ئەم هەفتەیە بڕی 120 ملیار دینار وەک داهاتی نانەوتی لە پارەی مووچەی مووچەخۆرانی هەرێمی كوردستان ببڕێت و بڕی 830 ملیار دینارەكەی دیكە، وەک پارەی مووچە ڕەوانە بكات.
هاوکات بڕیارە ئەمڕۆ، وەفدێکی دارایی هەرێمی كوردستان سەردانی بەغداد بكات و سبەی یەكشەممە، دەست بە كۆبوونەوەكانی دەكات لەگەڵ وەزارەتی دارایی عێراق؛ تەوەری سەرەكیی گفتوگۆكانیشیان، پرسی پێداچوونەوە و كەمكردنەوەی بڕی 120 ملیار دیناری مانگانەی داهاتی نانەوتیی كوردستانە بۆ بەغداد.
