لە پارێزگای بەدلیسی باکوری کوردستان بومەلەرزەیەک روویدا.
سەرۆکایەتیی فریاگوزاری لەناکاوی تورکیا ناسراو بە (ئافاد) بڵاویکردەوە، لە پارێزگای بەدلیسی باکووری کوردستان بومەلەرزەیەک بەگوڕی 4.3 پلەی رێختەر روویداوە و لە سەرانسەری پارێزگاکەدا هەستیپێکراوە.
دەشڵێت، بومەلەرزەکە بە قوڵایی 8 کیلۆمەتر تۆمارکراوە، و تاوەکو ئێستا قەبارەی زیانەکان نازانرێن، بەدواداچوونی تیمە تایبەتەکان بەردەوامە.
ئەمە لەکاتێکدایە، ساڵی رابردوو دوو بومەلەرزە لە وڵاتی تورکیا روویدا و باکوری کوردستانیشی گرتەوە، کە ئاستی بەهێزیەکەیان 7.7 پلەی رێختەر بوو کە بووە هۆی گیانلەدەستدانی زیاتر لە 50 هەزار کەس و برینداربوونی 107 هەزار کەس.
