پۆلیسی دهۆک ئاشکرایکرد، ناجی باڵەتەیی کە دەکاتە باوکی ئارام باڵەتەیی ئەندامی پەرلەمانی عێراق لەسەر فراکسیۆنی پارتی کۆتایی بە ژیانی خۆی هێناوە.
هێمن سلێمان، وتەبێژی پۆلیسی دهۆک لە لێدوانێکی ڕۆژنامەوانیدا ئەمڕۆ 4 ی شوبات ئاشکرایکرد، “دوای توشبوونی ئارام باڵەتەیی، ئەندامی پەرلەمانی عێراق لەسەر فراکسیۆنی پارتی بە ڤایرۆسی کۆرۆنا، دۆخێکی دەرونی قورس توشی باوکی بووە و پێدەچێت ئەوە هۆکاری خۆکوشتنی بوبێت”.
ناجی باڵەتەیی، کارگێڕی لقی 20 ی پارتی دیموکراتی کوردستانە و تەنها یەک کوڕی هەیە بەناوی ئارام باڵەتەیی، کە وتەبێژی فراکسیۆنی پارتییە لە پەرلەمانی عێراق.
ماوەی دوو مانگە ئارام باڵەتەیی توشی ڤایرۆسی کۆرۆنا بووە و دۆخی تەندروستی ناجێگیرە، بەپێی زانیارییەکانی پۆلیس دۆخی ناجێگێری تەندروستی ئارام باڵەتەیی بووەتە هۆی خۆکوشتنی باوکی.
