سوودەکانی ئارەقکردنەوە بۆ جەستە چین؟

پزیشکان ئاماژە بەوەدەدەن، ئارەقکردنەوە وەڵامێکی سروشتیی جەستەیە بۆ ڕێکخستنی پلەی گەرمیی لەش؛ کاتێک پلەی گەرمی بەرزدەبێت، جەستە ئارەق دروستدەکات و بەهەڵمبوونی ئارەقەکە، گەرمیی زیاتر لە جەستە دووردەخرێتەوە.
گرنگترین سوودەکان:
– پاراستنی پلەی گەرمیی جەستە و ڕێگری لە گەرمابوونی زۆر.
– یارمەتیدانی جەستە بۆ فێنکبوونەوە لە کاتی وەرزش یان گەرما.
– چالاککردنی سیستمی سووڕی خوێن لە کاتی وەرزش.
– دەرکردنی هەندێک ماددەی زیانبەخش لە لەش.
ئارەقکردنەوەی زۆر بەبێ خواردنەوەی ئاو، دەتوانێت ببێتە هۆی وشکبوونەوەی جەستە، سەرگێژبوون، ماندووبوون و دابەزینی پەستانی خوێن، بۆیە پسپۆڕان دەڵێن، ئارەقکردنەوە بۆ پاراستنی پلەی گەرمیی جەستە گرنگە، بەڵام پێویستە لەگەڵ خواردنەوەی ئاوی تەواو بێت.