سەرچاوەیەكی ئەمنی برینداربوونی سەربازێكی عێراق لە نزیك گوڵاڵە ڕادەگەیەنێت و دەڵێت، سەربازەكە لەلایەن قەناسێكی داعشەوە پێكراوە.
سەرچاوەیەكی ئەمنی لە پارێزگای دیالە ئەمڕۆ پێنجشەممە 4ی شوبات وتی، لە ناوچەی (زور لقایە) كە دەكەوێتە دەوروبەری ناحیەی گوڵاڵە لەلایەن قەناسێكی داعشەوە سەربازێكی عێراقی بە سەختی برینداركراوە.
وتیشی، سەربازەكە لە چوارچێوەی تیمێكی مەیدانی كێوماڵكردنی (زور) و شوێنكەوتنی پاشماوەكانی داعش-دا بووە.
دواتریش ڕێوشوێنی ئەمنی توندوتۆڵ لە شوێنی هێرشەكە گیراوەتەبەر و پڕۆسەیەكی كێوماڵكردنی فراوان بۆ گەڕان بەدوای هێرشبەرەكە ئەنجامدراوە، وەك ئەوەی سەرچاوەكە باسیدەكات.
س: بەغداد لیەوم
