كەشناسیی هەرێم پێشبینییەكانی خۆی بۆ 48 كاتژمێری داهاتوو بڵاوكردەوە و دەڵێت، “شەختە دروستدەبێت”.
بەڕێوەبەرایەتیی كەشناسی و بومەلەرزەزانیی هەرێم لە راگەیەندراوێكدا بڵاویكردەوە، ئەمڕۆ دووشەممە بە گشتی ئاسمان لە نێوان ساماڵ و نیمچە هەوردا دەبێت، ئەگەری بارینی بڕێكی كەم لە بەفر هەیە بەتایبەت لە ناوچە شاخاوییەكان و، لە كاتەكانی دەمەوئێوارەشدا شەختە دروست دەبێت.
ئاشكراشیكرد، پلەی گەرمی نزمبوونەوە بەخۆیەوە دەبینێت و سبەی سێشەممەش ئاسمان ساماڵ و پەڵەهەور دەبێت و كەشیش سارد دەبێت.
هەر لە راگەیەندراوەدا هاتووە، پلەی گەرمى یەك بۆ دوو پلەی سیلیزی نزمدەبێتەوە، بەرزترین پلەش دوو پلەی سیلیزییە و، تەمیش ناوچە شاخاوییەكان دەگرێتەوە.
