ئەمشەو، چوارشەممە یانەی بەرشلۆنە یاری قۆناغی چارەکی کۆتایی جامی شای ئیسپانیای بەرانبەر غەڕناتە ئەنجامدا و بە زەحمەت بردنەوەی تۆمارکرد.
بەرشلۆنە لە یاریگای نیۆڤۆ لۆس کارمینێس بووە میوانی غەڕناتە و 90 خولەکی یاسایی یارییەکە دوای یەکسانبوون بە دوو گۆڵ لە کاتە زیادکراوەکاندا لە بەرژەوەندی کەتەلۆنیەکان کۆتاییهات.
گۆڵەکانی یەکەم و دووەمی بلاوگرانا لە خولەکەکانی 88 و 91 لەلایەن ئارۆن ئیسکاندێل بەهەڵە و جۆرجی ئەلبا و گۆڵەکانی غەڕناتەش لە خولەکەکانی 33 و 47 لەلایەن کینیدی و ڕۆبێرتۆ سۆڵدادۆوە تۆمارکران.
لە کاتە زیادکراوەکاندا و بەتایبەت لە خولەکی 100 ئەنتوان گریزمانی فەرەنسی توانی گۆڵی سێیەم و یەکلاکەرەوە تۆماربکات.
دوای دوو خولەک (خولەکی 102) بە لێدانی سزا فیدی ڤیکۆ گۆڵی یەکسانکەرەوەی ئەنجامەکەی تۆمارکرد، لە تایمی دووەمی زیادکراودا ئەستێرەکانی ئازولگرانا گوشاری توندیان دروستکرد و لە خولەکی 108 فرینکی دی یۆنگ و 112 جۆردی ئەلبا گۆڵی چوارەم و پێنجەمی یەکلاکەرەوەی یارییەکەیان تۆمارکرد، ئەنجامی کۆتاییش (3-5) لە بەرژەوەندی تیپەکەی ڕۆناڵد کومان کۆتاییهات.
بەپێی ئەنجامە تۆمارکراوەکە، بەرشلۆنە گەیشتنی بە قۆناغی نیوەی کۆتایی مسۆگەرکرد و غەڕناتەش دوای یارییەکی ماراسۆنی ماڵئاوایی لە جامەکە کرد.
