ئەدهەم بارزانی، نامەیەک ئاراستەی دۆناڵد ترەمپ دەکات لەبارەی ئەو چەکانەی ئەمریکا کە بردراون و دەڵێت، بەڕێزتان باشتر لە هەر کەسێک دەزانن ئەو چەکانە ڕادەستی کێ کراون.
ئەدهەم بارزانی لە نامەیەکدا بۆ دۆناڵد ترەمپ، سەرۆکی ئەمریکا نووسیویەتی، “ئەوەی کە دیارە ئەمە بۆ سێیەم و چوارەم جارە کە جەنابتان ئاماژە بەوە دەکەن کە چـ.ـەکتان ناردووە بۆ ئـ.ـێران، بەو خەیاڵەی کە ویستووتانە بەم چـ.ـەکانە کۆماری ئیسلامیی پێ بڕوخێنن و وتراوە کە بۆ کوردتان ناردووە کە بیگەیەنن، بێگومان مەبەست لە کورد، کوردانی باشووری کوردستانە، کە ئێوە و هێزەکانتان لەم بەشەی باشووری کوردستان بوونتان هەیە، ئەگەر ڕاست بێت و ئەم چـ.ـەکانە نێردرابن بەڕێزتان باشتر لە هەر کەسێک دەزانن کە دراوە دەستی کێ و پسوڵەی وەرگرتنیشی بە واژووی چ کەسێکە.”
هەروەها زیاتر دەڵێت، ئەوەی ئێمەی کوردی لە هەموو بەشەکانی کوردستان بێزار و نیگەران کردووە ئەوەیە کە لە کۆی ئەم چەند جارەدا کە ئاماژەتان بەم بابەتە کردووە وتوتانە کە کورد ئەم چـ.ـەکانەی بۆ خۆیان هەڵگرتووە و بردویانە، شاردویانەتەوە و دزیویانە و وەسفی کورد بە بەکرێگیراو کراوە.
زیاتر دەنووسێت، “وتراوە کە کورد حەزی لە پارەیە و پارەمان پێداون، بەم شێوازە هەموو کوردێک لە دیدی ئێوە بێ ئەوەی جیاوازیەک لە نێوان باشوور، باکوور، ڕۆژهەڵات و ڕۆژئاوای کوردستان یان ئەم لایەنە و ئەو لایەنە بکەن و ئەو کەسەی کە وەریگرتووە و ئەوەی ئاگای لێ نییە, ڕازی ببن ئەم سیفەتانەتان هەمووی داوەتە پاڵ میللەتێکی گەورە کە تەنها لە بەشی باشوورەکەی کە کوردستانی عێراقە سەروەری 250 هەزار شـ.ـەهیدی داوە لە پێناو ئازادییەکەی”.
