پارێزگای هەولێر ڕایگەیاند، لەم هەفتەیەدا 28 بەنزینخانەیان بەهۆی فرۆشتنی بەنزینی خراپ و دەستکاریکردنی کوالێتیی بەنزینەکانیان سزاداوە، لە شەش مانگیشدا 242 بەنزینخانە سزادراون.
لە ڕاگەیەندراوی پارێزگای هەولێردا هاتووە، لە ماوەی هەفتەیەکدا پشکنینیان بۆ 59 بەنزینخانە کردووە و 28 بەنزینخانە سزادراون، هەروەها لە ماوەی شەش مانگی یەکەمی ئەمساڵدا 242 بەنزینخانە سزادراون، کە سەرجەمیان بەنزینی خراپیان فرۆشتووە و دەستکاریی کوالێتییان کردووە.
پارێزگای هەولێر ناوی شەش بەنزینخانەی بڵاوکردووەتەوە کە زیاتر لە چەند جارێک سەرپێچییەکانیان دووبارەکردووەتەوە و سزادراون.
ناوی بەنزینخانەکان:-
یەکەم/ وێستگەى گارە
دووەم/ وێستگەى لاوان
سێیەم/ وێستگەى ڕزگارى
چوارەم/ وێستگەى نێلا
پێنجەم/ وێستگەى هەرێم
شەشەم/ وێستگەى کاکە
