هاتوچۆی سلێمانی، لەبارەی خۆڵبارینەوە هۆشداری بە شۆفێران دەدات.
بەڕێوەبەرایەتیی هاتوچۆی سلێمانی، ڕایگەیاند، ئەو نمەبارانەی ئێستا دەبارێت و تاکۆتایی ئەم شەپۆلە خۆڵبارینەی ناوچە جیاوازەکانی ھەرێمی کوردستانی گرتووەتەوە زۆر مەترسیدارترە لە ھەر نمەبارانێکی دیکەی وەرزی زستان و بەھار، بەھۆی ئەوەی ئەو خۆڵ و تۆزەی داباریوە لە شەوی ڕابردوو و تاوەکو ئێستا و ڕۆژی سبەینێ لەسەر شەقامەکان لینجی و خزینێک دروستدەکات لەسەر ڕێگەکان و شەقامەکان لەناوەوە و دەروەی شارەکان و زۆر بەتایبەتی لە پێچەکاندا و ئەگەری خزین و نەمانی کۆنترۆڵ و ڕووداوی ھاتوچۆیی دروستدەکات.
دەشڵێت، ھیوادارین بە وریاییەکی زیاتر و بەخێرایی یاسایی و گونجاو شۆفێری بکەن .
