بەڕێوەبەرایەتیی حەج و عومرەی هەرێم رایدەگەیەنێت، بۆ وەرزی نوێی عومرە رێنمایی و بەرنامەی نوێ رادەگەیەنن و هەر خۆشیان وادەی دەستپێکردنەوەی گەشتەکان دیاریدەکەن.
بەڕێوەبەرایەتییەکە لە راگەیەندراوێکدا بڵاویکردەوە، بە مەبەستی دەستپێکردنی پرۆسەی عومرەی ئەمساڵ بە پلانێکی توکمەوە و بە بەرنامەیەکی نوێ و رێنمایی نوێ دەرگای پێشکەشکردن بە رووی کۆمپانیاکانی حەج و عومرە دەکەینەوە.
داوایشیکرد، ئەو کۆمپانیایانەی مۆڵەتی رەسمیان هەیە خۆیان لە ریکلامکردن و دەستنیشانکردنی وادەی عومرە بەدوور بگرن تا ئەو کاتەی بەرێوەبەرایەتیمان رایدەگەیەنێت و هەر کەس و کۆمپانیایەکیش سەرپێچی بکات، رووبەڕووی لێپێچینەوەی یاسایی و کارگێری دەبێتەوە.
