وەزیری پەروەردەی حکومەتی هەرێمی کوردستان، ڕایگەیاند، پێنج نمرە بە خوێندکارانی پۆلی 12 دەدرێت.
ئالان حەمەسەعید، وەزیری پەروەردەی حکومەتی هەرێمی کوردستان، ڕایگەیاند، لە پێناو بەرژەوەندیی گشتی و لەسەر پێشنیاری لیژنەی باڵای تاقیکردنەوە گشتییەکان، بڕیارماندا بە پێدانی پێنج نمرەی بڕیار بۆ سەرجەم خوێندکارانی پۆلی 12ی ئامادەیی بە هەموو بەشەکانیەوە (ئاسایی و دەرەکی).
دەشڵێت، ئەو پێنج نمرەیە بە مەبەستی سوودوەرگرتن و بەدەستهێنانی مافی بەشداریکردن لە تاقیکردنەوە گشتییەکان بۆ ساڵی خوێندنی (2025 – 2026)بە خوێندکاران دەدرێت.
