میدیاکانی عێراق ڕایانگەیاند، ئەمڕۆ شەممە، یەکەم کاروانی حاجییانی عێراق بەمەبەستی بەجێگەیاندنی فەریزەی حەج، بە ڕێگەی وشکانی بەرەو سعودیە بەڕێکەوتن.
بەگوێرەی زانیارییەکان، کاروانەکەی حاجییانی عێراق لە هەریەک لە پارێزگاکانی بەسڕە، میسان و موسەنناوە بەڕێکەوتوون و چاوەڕوان دەکرێت لە دوو ڕۆژی ئایندەدا بگەنە مەدینە.
شایەنی باسە، لە سەرەتای مانگی داهاتووەوە، حاجییانی هەرێمی کوردستانیش بە ڕێگەی وشکانی بەرەو سعودیە بەڕێدەکەون.
