وەزارەتی دارایی هەرێم لیستی مووچەی مانگی رابردووی فەرمانبەرانی رادەستی بەغداد کرد.
وەزارەتی دارایی و ئابوریی هەرێم لە راگەیەندراوێکدا بڵاویکردەوە، ئەمڕۆ یەکشەممە، لیستی مووچەی مانگی تشرینی یەکەمی فەرمانبەر و مووچەخۆرانی هەرێمی کوردستان لەلایەن نوێنەری وەزارەتی دارایی و ئابوریی هەرێمی کوردستانەوە، رادەستی بەڕێوەبەرایەتیی گشتیی ژمێریاری لە وەزارەتی دارایی حکومەتی فیدراڵ کرا.
ئەوە لەکاتێکدایە، تاوەکو ئێستا وادەی دابەشکردنی ئەو مووچەیە رانەگەیەندراوە و چارەنووسی مووچەی سێ مانگی ساڵی رابردووی فەرمانبەر و مووچەخۆرانی هەرێم بە نادیاری ماوەتەوە.
